Klikoni ketu per Versionin ne Anglishte / Click here for the English Version

AKTERET LOKAL NE ZHVILLIM NDERKOMBETAR - LocalAID 2015
Edmonton, Alberta, Kanada
31 Maj deri 13 Qershor 2015 

Programi "Akteret Lokal ne Zhvillim Nderkombetar," LocalAID, është një program studimor / trajnues dy-javor i cili i ofron pjesëmarrësve njohuri profesionale në fushën e zhvillimit ndërkombëtar, fushë kjo kyçe e zhvillimit dhe përparimit të vendeve pas-konfliktuoze, shoqërive në tranzicion, apo vendeve në zhvillim e sipër.

Programi është organizuar dhe administrohet nga Fondacioni TBG në bashkëpunim me King’s University, në premisat e së cilit do të mbahet programi dhe do të akomodohen pjesëmarrësit.  Programi do të mbahet në kryeqytetin e Provincës së Albertës, Edmonton, njërin nga qytetet më të mëdha të Kanadasë, nga 31 Maj deri me 13 Qershor 2015. Ky program ofrohet si pjese e Shkolles Verore Kanadeze per Demokraci dhe Lidership.

Gjatë kohëzgjatjes së programit, pjesëmarrësit do të ndjekin ligjërata apo seminare cdo ditë. Kohën tjetër, pjesëmarrësit do të kalojnë duke lexuar materialet e nevojshme sipas udhëzimeve të ligjëruesëve, duke punuar në grupe, dhe duke shfrytëzuar blibliotekën e universitetit King’s dhe atë publike të Edmontonit për nevoja të kërkimit / hulumtimit akademik. 

Pjesëmarrësit do të kenë mundësinë që të vizitojnë në mënyrë të organizuar edhe disa nga institucionet kryesore universitare si dhe institucionet tjera qeverisëse në Edmonton. Gjate nje vikendi, pjesemarresit do te shkojne per vizite nje-ditore ne Calgary, Alberta, njerin nga qytetet kryesore te biznesit nderkombetar ne Kanada.

Në fund të programit, pjesëmarrësit do të pajisen me certifikata përkatëse si dëshmi e përfundimit të suksesshëm të këtij programi. Afati i fundit per te aplikuar eshte 23 Shkurt 2015.

Ligjeratat / Seminaret

Cdo ditë pune (e hënë – e premte), pjesëmarrësit e programit do të njekin ligjerata apo seminare mbi tema të caktuara të fushës së zhvillimit ndërkombëtar.  Ligjëratat apo seminaret do të zgjasit nga tri deri në katër orë në ditë, varësisht nga tema e ditës në fjalë.

Programi do të udhëhiqet nga një ligjërues kryesor me përgatitjen adekuate për të ligjëruar në këtë lëmi. Ndërsa, për tema të caktuara do të ketë edhe ligjërues tjerë që vijnë nga universitet e Edmontonit dhe Qeverise se Provincës së Albertës.

Temat bosht të programit janë:

-         Organizatat Ndërkombëtare dhe Roli i Tyre ne Zhvillimin Lokal 

-         Akteret Lokal dhe Progresi i Vendeve në Zhvillim

-         Politikat dhe Diplomacia e Projekteve Zhvillimore Nderkombetare 

-         Lideret e Rinj, Akteret Lokal dhe Zhvillimi Demokratik ne Vendet e Pas-Konfliktit

Kush Mund te Marre Pjese? 

Programi është i hapur për të gjithë ata që kanë interes të demostruar për fushën e Zhvillimit Ndërkombëtar, apo temat bosht të programit, të cilët i plotësojnë kriteret në vijim. 

Kriteret për pranim në program kërkojnë që aplikanti:

-         Të jetë student i një universiteti të njohur / akredituar në studime të rregullta të nivelit universitar ose pas-universitar  në ndonjërën nga shkencat shoqërore (psh, shkenca politike, ekonomik, juridik, administrate publike, apo të ngjashme); OSE të jetë i punësuar në një institucion publik ose privat në një pozitë profesionale së cilës do t’i kontribuonte ky program;

-         Të posedojë njohuri mesatare të gjuhës angleze—edhepse ligjeratat / seminaret do te mbahen ne gjuhen shqipe;

-         Të posedojë pasaportë valide për udhëtim jashtë vendit;

-         Të mos jetë nën hetime apo i dënuar për ndonjë vepër kundërvajtjeje ose penale;

-         Të dorëzojë aplikacionin me dokumentat e kompletuara brenda afatit kohor të përcaktuar si data e fundit për pranim të aplikacioneve;

-         Të kryejë të gjitha pagesat e ndërlidhura me programin.

Kosto e Programit

Kosto reale e programit eshte $2,775.00. Por, pas përpjekjeve të shumta të Fondacionit tonë, kosto e këtij programi dy-javor në Edmonton të Kanadasë do të jetë vetëm $1,375.00, pasi qe secilit kandidat te pranuar ne program do t'i ofrohet nje burse akademike ne vlere prej $1,400.00.  Në kosto përfshihen: të gjitha ligjeratat / seminaret, të gjitha materialet e programit, casja në biblioteka universitare dhe atë publike; transporti lokal (bileta e metros); transferi nga dhe për në Aeroportin Ndërkombëtar të Edmontonit, akomodimi (në apartamente të mobiluara me gjashtë dhoma gjumi, kuzhinë dhe dhome ndeje të përbashkët, internet, telefon lokal, si dhe dy banjo—dmth, secili pjesëmarrës do ta ketë dhomën e vet të gjumit), tiketa kthyese e udhetimit per viziten nje-ditore ne Calgary, si dhe dreka gjate diteve kur mbahen ligjeratat. Në këtë kosto nuk përfshihen: aviobileta kthyese dhe shpenzimet personale. Fondacioni yne mund t'ju ndihmoje ne sigurimin e aviobiletave grupore qe zakonisht jepen me cmim me te lire sesa blerja e tyre individualisht.    

Organizatori e ka të drejtën ekskluzive për anulimin e programit nëse numri i pjesëmarrësve është garanton mbarëvajtjen e programit.

Menyra e Aplikimit

Të gjithë të interesuarit që i plotësojnë kriteret e pranimit të program, mund të aplikojnë për këtë program deri më 23 Shkurt 2015. 

Për të aplikuar, kandidatët duhet të dorëzojnë FORMULARIN E APLIKIMIT ONLINE. Formularit te kompletuar duhat t'ia shtoni (ngarkoni online) CV/Resumene tuaj si dhe nje Leter Motivuese (ne format PDF ose DOC). Perndryshe, këto dokumente mund t'i dergoni edhe ne kete email: democracy@bislimi.org.  

Viza Kanadeze

Përgatitja e dokumentacionit të nevojshëm për të aplikuar për vizë kanadeze është përgjegjësi e secilit aplikant të pranuar në program. Pasi që aplikanti njoftohet se është pranuar në program, atëherë ai/ajo duhet që të përgatisë të gjithë dokumentet e nevojshme për aplikim për vizë kanadeze. Dokumentet kyçe që konfirmojnë qëllimin e kërkesës për vizë kanadeze si dhe dëshmi mbi pranimin e aplikantit në këtë program sigurohen nga Fondacioni.

Ambasada Kanadeze në Vjenë, që është përgjegjëse për shtetasit e Kosovës që dëshirojnë të aplikojnë për vizë kanadeze, e ka të drejtën legjitime dhe ekskluzive për vendimin në lidhje me pajisjen e aplikantit për vizë.

Në rast të refuzimit të kërkesës për vizë, aplikantit i kthehet pagesa e plotë e programit e kryer paraprakisht, në vlerë prej $1,375.00. Pagesat që bëhen në llogarinë e Ambasadës Kanadeze per vize janë të pakthyeshme.

Kodi i Miresjelljes dhe Kushtet Tjera

Përveç kushteve dhe kritereve të programit të elaboruara deri më tani, të gjithë pjesëmarrësit e programit duhet t’i përmbahen me përkushtim rregullave të mirësjelljes dhe kushteve tjera, si më poshtë:  

-         Aplikantët e pajisur me vizë, obligohen që të ndjekin programin për të cilin iu është lëshuar viza. Tërheqja nga programi pas marrjes së vizës nënkupton humbjen e plotë të pagesës së programit dhe mundësinë e anulimit të vizës kanadeze.

-         Aplikantët e pajisur me vizë, të cilët detyrohen të tërhiqen nga programi për arsye të pakontrulluara nga ta (rast vdekje në familje, sëmundje në familje të ngushtë, etj), do të marrin mbrapa 90% të pagesës së programit (nëse tërheqja e arsyeshme bëhet deri më 1 Maj 2015) apo 50% (nëse tërheqja e arsyeshme bëhet me ose pas dates 1 Maj 2015). 

-         Aplikantët që arrijnë në Edmonton dhe fillojnë programin, e të cilëve eventualisht mund t’iu duhet të tërhiqen parakohe nga programi, nuk kanë të drejtë mbi kthimin e pagesës së programit.

-         Gjatë gjithë qëndrimit në Edmonton, pjesëmarrësit do të respektojnë në plotëni njëri-tjetrin, ligjëruesit, dhe udhëheqësin e programit. Për cdo ngatërresë eventuale, pjesëmarrësit duhet të kontaktojnë me udhëheqësin e programit në Edmonton.

-         Pjesëmarrësit duhet të respektojnë në plotëni orarin e ligjeratave, seminareve, dhe aktiviteteve tjera zyrtare të programit, sipas agjendës së përcaktuar nga udhëheqësi i programit, e cila do t’iu dorëzohet pjesëmarrësve në ditën e parë të programit.

-         Pjesëmarrësit duhet të respektojnë në plotëni të gjitha rregullat e King’s University ku edhe do të mbahet programi. Pjesëmarrësit, po ashtu, duhet të respektojnë në plotëni të gjitha rregullat e ndërlidhura me banimin e tyre në apartamentet e King’s University.

-         Pjesëmarrësit janë përgjegjës për mirëmbajtjen e të gjitha pajisjeve, oriendive, dhe hapsirave të banimit në apartmentin e tyre.

-         Pjesëmarrësit duhet të respektojnë në plotëni të gjitha rregullat dhe ligjet e Qytetit të Edmontonit, Provincës së Albertës, dhe Shtetit të Kanadasë.

-         Pjesëmarrësit janë përgjegjës për vetën e tyre, dhe kujdesin ndaj vetës së tyre, dhe lirojne nga pergjegjesia Fondacionin TBG, King's University dhe organizatat ose individet tjere te nderlidhur me programin.

Pyetje?

Nëse keni pyetje shtesë në lidhje me këtë program, ju lutem që ato të na i dërgoni përmes emailit në democracy@bislimi.org  apo të kontaktoni me ndonjërin nga zyrtarët e Fondacionit tonë.